CAGAYAN DE ORO CITY – Patay ang usa ka tawo samtang angol ang laing duha sa nahitabong karambola sa mga sakyanan sa San Miguel, Manolo Fortich Bukidnon.
Giila ni Manolo Fortich Municipal Police Station Commander Lt. Col. Evary Bacunawa ang biktimang namatay nga si Sherwin Cebido Elcarte kinsa driver sa frezer van.
Matud ni Bacunawa nga kusog ang dagan sa 10 wheeler truck ug nawad-ag kontrol,busa mibangga sa katabo nga frezer van.
Nadamay usab sa ang Nissan pickup, Isuzu elf canter ug motor.
Gitakdang mag-atubang sa kasong reckless imprudence resulting to homicide, serious physical injuries ug damage to properties ang truck driver.(Bombo Zen Cahatol).
