CAGAYAN DE ORO CITY-Isaka sa Lumbia City Jail ang suspek nga gitudlong responsabli pagpatay sa 17 anyos nga babaye ug gilabay diha sa San Nicolas,Brgy Puntod sa syudad.
Kini human natibawas na ang pag-file sa kasong rape with homicide batok sa suspek
nga si Rick John Polinar nga lumad taga-Brgy Patag,Opol, Misamis Oriental.
Gibutyag ni Insp Edgar Villanueva,deputy commander sa Macabalan Police Station nga hulaton na lamang ang court commitment order aron itugyan sa city jail ang suspek.
Una niini,nagpatulo sa mga luha ang inahan nga si Jinky Lumacang ug naghangyo sa kapolisan nga mahatagan sa dinaliang hustisya ang brutal nga kamatayon sa biktima nga si Jemarie Lumacang alyas Sophia.
