CAGAYAN DE ORO CITY- Gipahimudsan sa Toronto Raptors ang pagkawala sa presensya nila ni Kevin Durant ug Klay Thompson sa Golden State Warriors sa ilang dula sa game 3 sa NBA finals sa Oracle Arena,California,USA.
Kini human pildiha sa Raptors ang Warriors sa final score 123 batok 109.
Nabantayan nga bugtong si GSW pointguard Stephen Curry ang nagdala ug naghatag set play hinungdan nga napasayon sa Toronto ang pagpukan niini aron makuha ang 2-1 standing sa serye.
Nangulo sa Raptors si Kawhi Leonard ug Kyle Lowry nga may kombinasyon nga 53 puntos.
Miabag usab si Danny Green sa iyang 18 puntos.
Nahimong walay kuwenta ang 47 puntos ni Curry human sila pildiha sa mismong homecourt sa Warriors.
