CAGAYAN DE ORO CITY-Gibulgar karon ni Engr Armen Cuenca nga migamit sa recycled delivery receipts o DR ang pipila ka opisyal sa CLENRO hinungdan nga minus ang kinitaan niini alang sa dakbayan.
Nadiskobre kini ni Cuenca dihang nagpatawag siya’g meeting sa CLENRO aron masuta ang hinungdan sa ubos nga revenue collection sa quarry operations sa syudad.
Si Cuenca ang gitahasan ni City Mayor Oscar Moreno nga mohimo’g reporma nga unang nasugdan ni Edwin Dael sa CLENRO diin gitahasan pag-protehir sa kinaiyahan sa syudad.
Una niini, gisugyot ni Kag Zaldy Ocon kinsa kanhi chairman sa environment committee sa konseho nga angay ipaubos sa pag-imbestigar ang CLENRO aron malimpyohan sa giingong mga binuang nga kalihukan.
