CAGAYAN DE ORO CITY-Natumbok na sa National Grid Corporation of the Philippines o NGCP kon unsay hinungdan sa pagkawagtang sa suplay sa koryente sa dakong bahin sa Mindanao.
Gibutyag ni NGCP officer May Rosel Koreano nga dunay natumba nga kahoy sa acasia sa transmission lines sa Balo-i ug Agus, Lanao del Norte.
Kini ang rason nga nakasinati sa power outage kon siga-palong sa koryente ang lapad nga bahin sa Northestern ug Northwestern Mindanao.
Nasinati sa unscheduled brownouts ang Cagayan de Oro City; Misamis Oriental; Iligan City; Butuan City, Pagadian, Bukidnon ug Davao City.
Una niini, miabiso si Marilyn Chavez, assistant vice president ug head sa customer and community relations department sa Cepalco nga 90% sa ilang service area ang apektado sa minus nga paglabog sa koryente kon power outage gikan sa NGCP transmission lines.
