Gisaway ug dili kombinsido si Atty. Samson So Tan sa Liceo de Cagayan University College of Law sa rason sa gobyerno nga kakuwang sa pondo ang hinungdan sa pagoktaba sa Barangay ug Sangguniang Kabataan Elections tungod kay usa kini ka klarong ehemplo sa pagpabaya sa nasud.
Matud pa sa maong abogado, dugay nang nakatala ang adlaw sa piniliay apan gipang-una sa mga opisyal sa nasyon ang ilang kaugalingong kapuslanan imbes nga hatagan og igong pondo ang maong eleksyon.
Gipadayag usab ni Atty. Tan nga dili makatarunganon ug supak sa balaod ang paghikaw sa katungod sa mga tawo sa pagpili og bag-ong mga lider sa barangay.
Tungod niini, nagpasidaan ang maong abogado nga ang padayon nga paglangan sa piniliay usa ka dakong babag sa kalamboan ug progreso sa Pilipinas.
