CAGAYAN DE ORO CITY – Anaa na sa 90 porsiento ang kaandam sa Commission on Elections-Misamis Oriental kabahin sa ilusad na eleksyon sa Mayo 12 ning tuiga.
Kini sumala ni Comelec-MisOr Provincial Election Supervisor Atty.Carlito Ravelo kung hisgutan ang preparasyon alang sa piliay sa lalawigan ug dinhi sa syudad.
Miingon si Ravelo nga naghulat na ang sila sa paghidangat sa mga balota nga gamiton sa piliay nga lauman ang pag-abot sa unang semana sa Mayo ning tuiga.
Gibutyag sa opisyal nga kasamtangang nang gihan-ay ang proseso pagpang-distritbiyuter sa automated counted machines o ACMs alang sa dungan nga pagpangpang-apud niini sa kalungsuran.
Samtang giklaro usab ni Ravelo nga walay mahitabong pagpangbalhin sa nagkadaiyang election officers tungod sa kamanduan sa ilang Comelec-Manila.
Kini tungod kay wala na’y igong panahon nga pagbuhat pa niini,gawas lang kung mas gikinahanglan pag-ayo sa komisyon.
