CAGAYAN DE ORO CITY-Wala mahimuot ang kadagkuan sa Regulatory and Complaint Board (RCB) sa pipila ka mga indibidwal nga padayong milapas sa mga palisiya sa syudad nga nagtumong nga mamintinar sa kahusay ug kalimpyo sa tibook syudad.
Reaksyon kini sa duha ka adlaw nga obserbasyon ug pagkuyog sa RCB team sa mga kapulisan sa mga nagkadaiyang sam-ang atol sa pagtamod sa adlaw sa mga santos ug kalag.
Miingon si RCB Chairman Atty Egay Uy nga bisan isolated cases lamang ang ilang natala, sama sa pagdala ug hinagiban, makahubog nga ilimnon ug pagpanigarilyo sulod sa sam-ang, angayan nga masayud ang katawhan sa ilang responsibilidad.
Mi-abiso si Uy sa ilang campaign violators nga dili na sublion ang pagsupak supak kay posibleng silang mapahamtangan sa monetary fine, mapasak-an ug kaso ug ang labing grabe mao ang pagkapaslak sa prisohan.
