Giaprobahan sa Regional Development Council sa Northern Mindanao ang upat ka importanteng programa nga gilatid sa Social Development Committee nga gipangulohan nila Governor Juliet Uy ug Co-Chairperson Jaime Rafael U. Paguio.
Kini nga mga inisyatibo naglakip sa Philippine Multisectoral Nutrition Project nga nagtumong sa pagpakunhod sa malnutrition sa 35 ka munisipyo sa rehiyon ug ang pagtukod sa Labor Migration and Development Committee alang sa pagpanalipod sa mga Overseas Filipino Workers.
Sukad pa niana, giuyonan usab sa konseho ang pagpahigayon sa pagtuon bahin sa adolescent cohabitation nga nagtala og 39,192 ka indibidwal nga nagpanuigon og 10 ngadto sa 19 anyos sa rehiyon.
Sa katapusan, bug-os nga suportado usab sa RDC-10 ang Health Leadership and Governance Program sa Department of Health aron mas mapalig-on ang kapasidad sa mga lokal nga kagamhanan sa paghatag og serbisyong panglawas.
