CAGAYAN DE ORO CITY-Hinagbu-on sa Regional Disaster Risk Reduction and Management Council o RDRRMC ang
tanang ahensiya sa gobierno alayon sa security plan nga ipatuman sa rehiyon sa adlaw sa mga santos ug kalag sa
Nobyembre ning tuiga.
Gibutyag ni CDRRMD head Allan Porcadilla nga tuyo niini nga masiguro ang seguridad sa publiko partikular sa dagkong menteryo nga nakabase ning syudad.
Miingon si Porcadilla nga kabahin sa ituki sa coordination meeting ang pagsiguro sa pagbantay sa mga terminal,pantalan,mga merkado ug simbahan alayon sa kalihukan.
Gilauman usab nga ipa-aktibo ni City Mayor Oscar Moreno ang incident management team o IMT diin mangulo sa monitoring sa security implemenation kaabag ang PNP ug AFP sa Nobyembre 1 ug 2 ning tuiga.
Samtang nagbutang na sa signages ang kalungsuran ug duha ka syudad sa Misamis Oriental alayon sa nagkaduol nga pagtamod sa adlaw sa mga santos ug kalag-kalag.
Gibutyag ni Provincial Disaster Risk Reduction and Management Office Chief Executive Fernando Dy Jr nga
himoon nila sunod semana ang final briefing alang sa ilang ipatumang security measures alayon sa maong katuyuan.
Miingon si Dy nga gitakdang ipaubos usab ni Gov Bambi Emano ang ‘blue alert’ status sa puwersa sa lalawigan aron maandam na ang kapolisan ug militar paghatag seguridad sa katawhan nga moduaw sa mga minahal nila sa kinabuhi sa lalawigan.
