CAGAYAN DE ORO CITY– Nakompleto na sa Police Regional Office o PRO-10 ang ihap sa naka-benepisyo sa Good Conduct and Time Allowance o GCTA Law nga boluntaryong mitahan ubos sa Northern Mindanao.
Miingon si PRO-10 spokesperson Lt Col Mardi Hortillosa miingon nga moabot sa walo ka GCTA beneficiaries ang mitahan sa nagkadaiyang police station sa rehiyon.
Sa maong ihap, 4 niini ang naggikan sa Bukidnon; 1 sa Camiguin; 2 sa Lanao del Norte ug 1 sa Iligan City. Dugang niini nga maoy ilang giatubang nga kaso ang pagpatay, pagpanglugos, rape with robbery, robbery with homicide and rape ug arson.
Una nang gimanduan ni Brigadier General Rafael Santiago Jr., director sa Police Regional Office-Northern Mindanao, ang tanang mga stations commander nga monitoron ug dakpon ang mga nabuhian pinaagi sa GCTA subay sa mando ni Presidente Rodrigo Duterte.
