Himoon sa pinakaunang higayon sa dakbayan sa El Salvador gymnasium ang Maharlika Pilipinas Basketball League karong Nobyembre 29.
Kini ang kumpirmasyon ni El Salvador City Mayor Edgar Lignes atol sa programang Good Morning Philippines.
Miingon si Mayor Lignes nga sobra ang iyang gibating kalipay dihang napili ni MPBL Chief Operating Officer Zaldy Realubit ang El Salvador nga mag-host sa maong liga diin himoon ang dula sa team Manila versus San Juan City.
Dugang pa ni Lignes nga dako usab ang posibilidad nga mahimong bisita sa maong liga si People Champs Manny Pacquiao ug actor Gerald Anderson.
Kahinumduman nga ang El Salvador City ang giila nga grand slam winner sa Seal of Good Local Governance kon SGLG nga nagsimbolo sa integridad ug maayo nga performance sa lugar.
