CAGAYAN DE ORO CITY– Nadakpan sa drug buy bust operations ang kanhi miembro sa military intelligence ug laing kauban niini sa Brgy Abaga, Baloi,Lanao del Norte.
Ang mga suspek giila nga sila si Norman Obligascio, 46-anyos, minyo ug Earl Fernandez, 21-anyos pulos residente sa Brgy Fuentes, Iligan City.
Sumala ni PRO-10 spokesperson Lt Col Mardi Hortillosa nga dugay na nga gimonitor sa mga otoridad ang illegal nga binuhatan sa mga suspek.
Narekober sa posisyon ni Obligascio ang .45 kalibre nga armas samtang lima (5) ka sachet sa drugang shabu ang nakuha sa possession ni Fernandez.
Detinado na sa bilangguan ang mga suspek ug nag-atubang sa kasong pagsupak sa RA 9165. (VC-2 CUE OUT…). Ang pahayag ni PRO-10 spokesperson Lt Col Mardi Hortillosa.
