CAGAYAN DE ORO CITY- Napasaka na ang mga kasong kriminal batok amahan nga mihimo’g sex slave sa iyang kaugalingong anak babaye diha sa Brgy Agusan ning syudad.
Kini human unang nakapangayo’g tabang ang 13 anyos nang biktima sa kapolisan batok sa subli unta paglugos kaniya sa suspek nga si Glenn Llanora kinsa nagpail nga sakop sa intelligence community sa syudad.
Miingon si Puerto Police Station commander Capt Mario Mantala Jr nga kabahin sa kaso nga gipasaka batok Llanora ang multiple murder,attempted rape,illegal possession of firearms ug usurpation of authority sa piskalya kagahapong adlawa.
Una nang giangkon sa suspek nga nasugdan niya’g lugos ang iyang anak sa edad 8 anyos tungod kay bulag na kini sa asawa sa dugay’ng panahon.
