CAGAYAN DE ORO CITY-Laraw ni Gov Bambi Emano nga ipaubos sa state of calamity ang tibook Misamis Oriental tungod sa sakit nga dengue karong semanaha.
Si Emano miingon nga nalipay siya dihang unang nagdeklara sa state of calamity ang dakbayan sa El Salvador tungod kay mao kini ang iyang basehan nga magdeklara usab ang Misamis Oriental.
Siya miingon nga nakaandam na ang memo alang sa maong deklarasyon.
Hisayran nga pinaagi sa deklarasyon, mahimo nang maggamit sa lokal nga kagamhanan ang 40 porsyento nga kinitaan niini aron mapakigbatukan ang maong sakit.
Kahinumduman nga mitala na sa 76 ang patay tungod sa dengue sa tibook Northern Mindanao.
