CAGAYAN DE ORO CITY – Kasong murder ug frustrated murder ang ipasaka sa kapolisan batok sa suspek sa pagpusil-patay sa laborer ug laing duha ka samaron sa lungsod sa Maramag,Bukidnon.
Kini human naila na sa kapolisan ang suspek apan gihulat lamang ang kompleto nga dokumento ayha mabutyag sa publiko ang tinud-anay nga identity niini.
Miingon si Maramag Police Station commander Major Gil Agpawa nga maoy namatay ang biktima nga si Joseph Bodiongan,36 anyos ug nagpuyo sa Brgy Dagumba-an sa maong lungsod.
Samaron usab ang igsoon sa biktima nga si Jesus Bodiongan ug kauban nila nga si Edgar Cabusas nga gilakip pagpusil sa wala mailang suspek.
Nagbaklay lamang ang mga biktima pauli sa ilang pinuy-anan dihang kalit namusil ang nag-inusarang suspetsado.
Narekober sa crime scene ang fired bullet gikan sa armas nga kalibre 38.
