CAGAYAN DE ORO CITY – Napakyas ang tropa sa CIDG-Misamis Oriental nga masikop ang negosyante dihang gisilbi ang search warrant gikan sa korte diha sa Sitio Lambago, Brgy Lapasan ning syudad.
Kini human naka-presentar sa igong dokumento ang negosyante nga si Leoncio Duluan,52 anyos,minyo nga nagpuyo sa maong lugar.
Miingon si CIDG-MisOr Team officer Police Lt Noel Oclarit nga may naka-report kanila nga nagbaton sa dili lisensiyadong mga armas si Duluan hinungdan gi-aplayan nila sa korte aron masusi ang pinuy-anan niini.
Apan sa paglusob sa mga otoridad,wala na sa posisyon ni Duluan ang mga armas kay nabaligya na niya kini ug nawala usab ang laing usa.
Tungod niini,igo na lamang gipapirma si Duluan pagpamatood nga walay nakuha nag armas gawas lamang sa kalibre 45 ug airgun nga nagbaton sa permiso gikan sa gobierno.
