CAGAYAN DE ORO CITY- Wala pa gihapon maila ang lawas sa miyembro sa New Peoples Army nga gibiyaan sa lasang nga bahin sa Brgy. Banglay Lagonglong, Misamis Oriental kagahapon sa hapon.
Gibutyag 1st Lt. Jefferson Mariano, civil military operations officer sa 58 Infantry Battalion, Philippine Amry nga gawas sa cadaver sa NPA fighter, narekober usab sa ilang tropa ang unom ka tag-as nga kalibre sa armas sa encounter site.
Nanawagan ang militar sa parente sa biktima nga mubisita sa barangay hall sa Banglay aron i-claim ang namatay ng rebelde. Samtang gihimakak sa 58IB,Philippine Army ang report nga dunay namakwit kagahapon sa hapon.
Kini gumikan sa giingong 30 minutos nga engkwentro sa tropa sa militar batok sa guerilla front 68 sa SRC-1 sa Northern Central Mindanao Regional Command sa NPA.
Gipamugos ni Mariano nga layo sa residential area ang firefight. Hinoon, mi-angkon si Lt. Mariano nga mismo ang mga residente sa brgy ang misumbong kanila sa presensya sa mga armadong tawo nga nagbaras-baras sa ilang dapit padulong sa lasang.
