CAGAYAN DE ORO CITY – Walay epekto sa kapolisan ang paglangkat ni Pres Rodrigo Duterte kang Vice Pres Leni Robredo isip co-chairperson sa Inter-Agency Committee on Illegal Drugs o ICAD.
Gibutyag ni PRO-10 spokesperson Lt Col Mardi Hortillosa nga maghulat sila sa kamanduan sa Camp Crame sa mga bag-ong gabayan sa kampaniya batok illegal nga droga.
Gitin-aw ni Hortillosa nga magpadayon ilang trabaho bisan kinsa ang itudlo nga co-chairperson sa ICAD.
Kahinumduman nga wala pa miabot sa tulo ka semana si Robredo dihang gidawat niya ang hagit ni Duterte nga magsilbing co-chairperson sa ICAD.
Samtang, nagdumili una paghatag sa reaction si PDEA-10 regional Dir Wilkins Villanueva sa pagtangtang ni Pres Rodrigo Duterte kang VP Lenie Robredo isip co-chairperson sa Inter-Agency Committe on Anti-Illegal Drugs o ICAD sa nasud.
Si Villanueva miingon nga hulaton una nila ang opisyal nga pahayag ni PDEA Director Gen.Eron Aquino mahitungod sa maong hisgutanan.
Apan giklaro ni Villanueva nga walay nausab sa ilang trabaho dihang paglingkod ni Robredo isip co-chairperson sa ICAD.
