CAGAYAN DE ORO CITY – Paghinobra nga partisan politics ang rason kon nganong gipapha ni Pres Rodrigo Duterte si Vice Pres Leni Robredo isip co-chairman sa Inter-agency Committee on Anti-Illegal Drugs o ICAD.
Kini ang nakita sa inila nga political analyst nga si Ramon Casiple kabahin sa nahitabo kang Robredo.
Miingon sa Bombo Radyo si Casiple nga gisagula’g politika ni Robredo ang tahas niini nga pagsilbing drug czar hinungdan nahukman ni Duterte nga wad-on na lamang kini sa katungdanan.
Samtang, nagtoo si City Mayor Oscar Moreno nga nawad-an na’g pagsalig si Pres Rodrigo Duterte kang Vice Pres Leni Robredo rason gilangkat sa puwesto isip co-chairperson ICAD.
Miingon si Moreno nga dili angayang ikasakit sa bise presidente ang gihimo ni Duterte ilabina nga nasayod na siyang daan sa iyang mahimong papel sa administrasyon.
Nagdumili na usab paghatag sa iyang komento si Moreno kon pulitika ang rason sa paglangkat sa pwesto kang Robredo.
Gibutyag usab ni Citizen Watch for Good Governance o CWGG convenor Atty. Antonio Soriano nga nawad-an na sa ensaktong direskyon ang liderato ni Pres Rodrigo Duterte nga idumala sa ensakto ang nasud.
Kini ang pagtoo ni Soriano dihnag miangkon ang presidente atubangan sa publiko nga daghan na kini’g gihambin nga sakit.
Miingon si Soriano nga tungod niini, dili na maka-pokus si Pres Duterte sa pagkigbatok sa illegal nga druga.
