CAGAYAN DE ORO CITY – Naghikog-patay ang rape suspek samtang anaa sulod sa selda sa police station diha sa lungsod sa Villanueva,Misamis Oriental kaganihang buntag.
Giila ni Villanueva Police Station commander Maj Rogelio Manalang ang biktima nga si William Mangahon,60 anyos ug nagpuyo sa maong lungsod.
Giggamit paghikog ni Mangahon ang ginisi niini nga sinena nga gihikot sa iyang li-og ug gikonektar usab sa puthaw sa ilang selda.
Si Mangahon ang unang nasikop ug nakasuhan sa piskalya tungod sa giingong paglugos sa 11 anyos nga batang babaye sa maong lungsod.
