CAGAYAN DE ORO CITY – Nakuha sa Cagayan de Oro sa ikatulong higayon ang “Seal of Good Education Governance”.
Kini tungod sa talagsaon nga education governance nga gipatuman sa lokal nga kagamhanan.
Si City Councilor Suzette Daba Magtajas miingon nga nagsilbi usab si City Mayor Oscar Moreno nga usa sa mga panelist sa National Education Summit diin iyang gipakita ang mga inobasyon sa syudad nga makatukod sa daghang mga lawak-saringan.
Siya miingon nga ilang nakuha ang maong pasidungog tungod sa pag-promotar sa transparensiya, accountability ug kahusayan sa paghatud sa edukasyon sa lokal nga gobyerno.
Hisayran nga sulod sa administrasyon ni Mayor Moreno, moabot na sa 701 ka mga lawak saringan ug 20 ka mga tunghaan ang natukod niini.
