CAGAYAN DE ORO CITY – Nanghinaut si City Mayor Oscar Moreno nga adunay natun-an nga leksiyon ang katawhan sa sunod-sunod nga trahedya nga nahitabo sa dakbayan sama sa bagyong Sendong.
Miingon si Moreno nga nakasinati sa duha ka dagkong pagsuway ang syudad nga gilakipan sa Sendong diin gikamatay sa kapin libo ka residente ug ang nahitabong kagubot sa Marawi City.
Naglaum ang alkalde nga pinaagi sa mga kalamidad nga nasinatian sa syudad, mahimong preparado na ang mga residente sa panahon sa pagbaha, linog ug uban pang mga katalagman.Hisayran nga gipanguluhan ni Moreno ang pagbalik lantaw dihang gihapak sa bagyong Sendong ang syudad, walo katuig na ang nakalabay.
Samtang gipasigarbo usab ni City Housing Department head Engr Ermin Pimentel nga hinay-hinay nang nahataga’g katumanan sa lokal nga kagamhanan sa syudad ang laraw nga maplastar sa relocation sites ang tanang mga survivor sa agyong Sendong.
Si Pimentel miingon nga ilang nahatagan sa lig-on nga panimalay pinaagi sa housing program ang matag-pamilya ingon man livelihood programs.
