CAGAYAN DE ORO CITY – Tinguha karon sa kapolisan nga makakuha’g dugang kopya sa CCTV footage nga naka instolar sa NHA Brgy Kauswagan ning syudad.
Kini aron makatabang pagsulbad sa kasong pagpusil-patay sa kanhi financier sa illegal nga suwertres nga si Rolly Mahestrado sa maong lugar kagahapon sa kadlawon.
Miingon si Carmen Police Station commander Police Major Ian Borinaga wala sa pukos ang una nga CCTV nga ilang nakuha sa crime scene busa maglisod sila pag-ila sa panagway sa suspek nga miluthang kang Mahestrado.
Dugang pa niini nga padayon pa gihapon nilang gipalawman ang imbestigasyon sa duguon nga hitabo.
