CAGAYAN DE ORO CITY – Nadakpan sa mga operatiba sa El Salvador PNP pinaagi sa warrant of arrest ang tag-iya sa Candeño Manpower Services diha sa Zone 7, Poblacion, El Salvador City.
Giila ni El Salvador City PNP chief of police Lt. Col. Randy Anito ang suspek nga si Angustia Candeño, 57-anyos, minyo ug residente sa maong dapit.
Si Anito miingon nga ilang gisikop ang suspek pinaagi sa warrant of arrest nga gi-isyu ni Honorable Judge Isah Echem-Tangonan tungod sa kasong pagsupak sa RA 8282 kon Social Security Law.
Dugang pa niini nga giangkon mismo sa suspetsado nga na-delingkwente ang iyang pagbayad sa SSS contribution.
Gimandoan si Candeño sa korte nga magbayad sa piyansa nga P24,000 alang sa iyang temporaryong kagawasan.
