CAGAYAN DE ORO CITY – Napatay sa 58th IB,Philippine Army ang laing sakop sa mga rebeldeng New People’s Army sa natigayong engkuwentro sa Brgy Pigsalohan,Gingoog City,Misamis Oriental kagahapong adlawa.
Giila ni 58th IB commander Lt Col Christian Uy ang namatay’ng rebelde nga si Carlo Acosta nga taga-lungsod sa Salay ning lalawigan.
Miingon si Uy nga ang maong rebelde ang kauban sa una nila nga gika-engkuwentro sa Gingoog City sa miaging semana diin may napatay usab nga kaaway sa gobierno.
Nakompiskar gikan sa mga rebelde ang lima ka klase-klaseng armas ug ubang kagamitan sa panggubat.
Namugos usab ang militar nga walay ilang sakop nga namatay o samaron sa maong engkuwentro kagahapong adlawa.
