CAGAYAN DE ORO CITY-Gikonsiderar sa Cagayan de Oro City Police Office o COCPO nga posibleng may nakasulod nang grupo nga tumong ang pag-recruit sa kabatan-unan aron mokuyog sa kalihukang terorismo.
Gihimo ni COCPO spokesperson Supt Mardi Hortillosa ang pahayag tungod sa ‘consistent’ nga impormasyon sa militar nga nakasulod na ang recruitment sa mga terorista sa Cagayan de Oro City ug ubang syudad sa Northern Mindanao.
Miingon si Hortillosa nga hangtod karon walay gisulti ang intelligence unit sa COCPO kabahin sa military information kabahin niini.
Una niini, gibutyag ni Joint Task Force Ranao deputy commander Col Romeo Brawner nga naglihok ang recruitment sa mga terorista sa state colleges ug universities sa syudad.
