Gisiguro ni Executive Secretary Ralph Recto ang suporta sa administrasyon ni Presidente Ferdinand Marcos Jr alang sa mga Local Government Units (LGU).
Sa natigayon nga 2026 General Assembly sa League of Municipalities of the Philippines (LMP), gipasabot ni Recto nga magpadayon ang administrasyon sa paghatag og pondo ug suporta aron mas mapalig-on ang kapasidad sa mga lokal nga kagamhanan sa pagserbisyo sa katawhan.
Gipasiugda usab ni Recto ang importansya sa lig-on nga pakig-tambayayong tali sa national government ug lokal nga kagamhanan aron mapadali ang pag-panghatud sa mga programa alang sa kalamboan.
Nagpasalamat usab ang League of Municipalities of the Philippines (LMP), pinaagi ni National President Mayor Faustino “Inno” Dy V, sa Local Government Support Fund nga dakong tabang sa pag-patuman sa mga proyekto sa imprastruktura ug serbisyo sa katilingban. (by Phillip Ariata)
