CAGAYAN DE ORO CITY – Gipatuman sa city hall ang red alert status sa seguridad sa dakbayan.
Miingon si City Disaster Risk Reduction Management Department o CDRRMD manager Nick Jabagat nga nag-unang tuyo niini nga masunod ang kagustuhan ni City Mayor Rolando ‘Klarex’ Uy nga magbaton sa kahusay’g kalinaw ang mga kalihukan sa kapistahan sa syudad.
Namahayag si Jabagat nga dunay dugang signal jamming ang ipatuman sa mga dagkong kalihukan samtang nagkaduol ang katumanan sa kapistahan sa patron Senior San Agustin.
Samtang uyon ang hugpong sa mga negosyante nga dunay temporaryong pagkabalda sa signal sa linya sa komunikasyon sa syudad.
Apan miingon si MisOr-CdeO MSME Devt Council chairman Raymundo Talimio Jr nga unta dili dugayon ang maong signal shutdown kay aron dili dako ang ilang masinatian nga pagkalugi sa mga negosyo niini sa syudad.
Namahayag si Talimio nga dili na bag-o kanila ang maong lakang ug nakonsulta usab sila pag-abot sa pagpahugot seguridad aron dili maigo sa mga dautang grupo samtang anaa ang kabibo sa kapistahan sa dakbayan.
