Giisa na sa National Disaster Risk Reduction and Management Operations Center (NDRRMOC) ang RED Alert Status alang sa mga lugar nga posibleng maapaktuhan sa Bagyong Crising.
Ang pagsaka sa alert level nagpasabot nga tanang ahensya sa gobyerno nga sakop sa NDRRMC—lakip na ang AFP, BFP, PCG, PNP, DSWD, DILG, DA, ug DOST-PAGASA—gimanduan nga magpabiling alerto ug magpadayon sa koordinasyon sa Operations Center alang sa dali nga paghatag sa tabang sa mga lugar nga posibleng maapektuhan.
Aktibo na usab ang virtual Emergency Operations Center aron masiguro ang real-time nga response sa mga kalihokan sa panahon sa kalamidad.
