CAGAYAN DE ORO CITY-Gigarantiya sa Philippine Red Cross o PRC Northern Mindanao nga andam na sila aron moabag sa ilusad nga tinuig nga nationwide blood letting activity project sa Bombo Radyo nga mas naila nga ‘Dugong Bombo’.
Kini ang gibutyag ni PRC Blood Manager Dra Maria Cristina Clarissa Pelaez kabahin sa maong proyekto nga inisyatiba sa Bombo Radyo Philippines.
Miingon si Pelaez nga anaa sila sa 80 porsiento nga kaandam aron molambigit sa maong proyekto diin ilusad sa
Atrium,Limketkai Mall ning syudad sa Nob 17 ning tuiga.
Gidasig ni Pelaez ang katawhan nga suportahan sa laing higayon ang Dugong Bombo project sa Bombo Radyo kay gitumong man kini sa pagsalbar sa kinabuhi sa tawo nga anaa sa emerhensiya.
Mahatagan sa freebies sama sa Dugong Bombo tshirts ang mga successful blood donor mismo sa adlaw sa kalihukan nga sugdan alas sais sa buntag padulong sa alas sais usab sa gabii.
