CAGAYAN DE ORO CITY – Prioridad gitutukan sa puwersa sa Police Regional Office 10 ang pipila ka lugar sa Northern Mindanao nga nagsilbing ubos sa red ug orange categories sa miaging 2022 elections.
Kini sa tuyo nga kapugngan ang posibleng tension sa kainit sa politika sa mga magka-ribal nga mga kandidato alayon sa 2025 elections.
Namahayag si Police Regional Office 10 spokesperson Maj. Joann Navarro nga sobra 700 ka pulis nga naglangkob sa ilang quick response team ang nakaandam pag-responde kon maghinobra ang kainit sa politika sa mga kandidato sa nahisgutang election area categories.
Siya miingon nga hulaton usab nila nga magkatagbo’g balik ang joint task force kuyog ang militar ug ubang govt agencies nga ipatawag sa Commission on Elections alayon niini.
Hisayrang sa milabay’ng tulo ka adlaw sa tingduso sa certificate of candidacy sa probable candidates sa lima ka probinsya sa rehiyon,pabiling walay dugu-ong mga hitabo nga natala sa kapolisan.
