CAGAYAN DE ORO CITY-Balik-trabaho na ang kontrobersyal nga si City Mayor Celso Regencia sa Iligan City sugod ning adlawa.
Kini human gipahamtangan si Regencia sa dismissal order sa Ombudsman tungod sa pagsilbing guilty sa kasong usurpation of authority nga giduso kaniadto ni kanhi Iligan City Vice Mayor Ruderick Marzo.
Namahayag si Iligan City Vice Mayor Jemar Vera Cruz nga nagpalugwa sa temporary restraining order o TRO ang Court of Appeals o CA aron pugngan ang paglangkat kang Regencia sa pagka-mayor sa Iligan City.
Si Regencia ang kanhi akusado sa pag-ambush kaniadto kang kanhi Iligan City Cong Vicente Belmonte Jr diin nagresulta sa kamatayon sa pipila sa bodyguards niini sa Misamis Oriental sa tuig 2014 apan gibuhian ra gihapon sa korte sa kakulang sa mga ebedensiya.
