CAGAYAN DE ORO CITY-Moduso’g motion for reconsideration ang kampo ni Iligan City Mayor Celso Regencia sa Office of the Ombudsman.
Kini human pabori ni Ombudsman Conchita Carpio Morales ang pagkuwestiyon sa kampo ni kanhi Iligan City Vice Mayor Marvin Marzo ang pag-function ni Regencia bisan binilanggo sa kasong multiple murder nga gipasaka kaniadto ni former Iligan City Rep Vicente Belmonte Jr.
Gibutyag sa tigpamaba ni Regencia nga si Joe Pantoja nga gitun-an na sa ilang city legal officer ang hukom sa Ombudsman aron moduso’g mosyon.
Una nang gibutyag ni Morales nga nakahimo’g usurpation of official functions si Regencia hinungdan gimanduan kini moduso’g piyansa nga P10-mil alang sa temporaryong kagawasan niini.
