Mipahimangno ang usa ka imbestigador sa Regional Anti-Cybercrime Unit 10 nga ang mga kaso sa cyberspace walay pinili nga gender o edad ug bisan kinsa mahimong mabiktima sa cybercrime karon nga digital nga panahon.
Sumala ni Staff Sgt IDY ANN FLOR ACA-AC, investigator sa Regional Anti-Cybercrime Unit 10, daghang matang sa kaso ang ilang natala sama sa video ug photo voyeurism ug uban pang online abuse nga makaapekto sa kabataan ug hamtong.
Dugang pa niya, naay mga insidente nga ang biktima mismo makahatag og personal nga hulagway o video nga mahimong magamit sa mga abusado, ilabi na kon wala’y igong pag-amping sa paggamit sa internet.
Gipasabot usab niya nga ang balaod naglangkob dili lang sa usa ka sector tungod kay parehas nga protektado ang lalaki, babaye, ug minors batok sa cybercrime.
Busa, iyang gipahimangnoan ang publiko nga kinahanglan magmatngon sa pag-post ug pag-share og personal nga impormasyon aron malikayan ang pagpahimulos online. (by James Oliver)
