CAGAYAN DE ORO CITY – Gidala ni Police Senior Master Sergeant Vincent Noveras ang iyang mga sakop sa Regional Police Security and Protection office sa Police Regional Office 10 sa pagsalmot sa Dugong Bombo 2019, sa Lim Ket Kai Atrium, sayo sa buntag.
Ang team ni Sgt. Noveras maoy labing sayo nga mitunga sa venue.
Namulong ang 40-anyos nga sarhento nga mao na kini ang iyang ika-10 ka higayon nga pagdonar sa dugo, ug dili niya malimtan ang iyang labing unang kasinatian niini.
Kini human siya mismo ang mihatag sa iyang dugo sa iyang kaubang pulis sa Cogon Police Station human nadunggaban sa usa ka holdaper.
Gipasigarbo niini nga siya ang nakaluwas sa iyang kauban. Kini maoy hinungdan nga tinuig na siya magdonar sa dugo.
