CAGAYAN DE ORO CITY -Gipadumduman ni kanhi City Mayor Oscar Moreno ang regular management sa Cagayan de Oro Water District (COWD) nga dili supakon ang mga gihimong lakang nga naglakip sa full takeover sa Local Water Utilities Administration (LWUA) ning syudad.
Kini tungod kay mismo na ang Office of the Government Corporate Counsel (OGCC) ang miila nga legal ang pagsulod sa LWUA sa COWD.
Namahayag si Moreno nga tinood ang gisampit sa Department of Justice (DoJ) legal opinion nga maka-takeover ang LWUA kon dunay utang ug naglisod pagbayad niini ang usa ka water district apan wala kini mahitabo sa COWD.
Apan gipasabot usab niini nga naigo ang COWD sa taas nga suliran sa non-revenue water issue rason gisudlan sa LWUA.
Hinoon,ma-kuwestiyon sa regular COWD management ang aksyon sa LWUA apan dili sa korte ug hinoon mismo sa opisina ni Pres Bongbong Marcos.
Apan gibarugan sa regular COWD managemnet nga dili sila mosunod kay alang kanila wala mo-sentro sa isyu ang gilugwa nga legal opinion sa OGCC sa LWUA takeover ning syudad.
Kini ang dugang depensa ni regular COWD board of director Dr Gerry Caño kabahin sa OGCC legal opinion nga nagmando nga angay sundon ang respetuhon ang pagsulod sa LWUA pinaagi sa pagbutang sa interim officials.
Namahayag si Caño nga dili kini ang ilang gilauman nga isulti sa OGCC ilabina nga misimang na hinoon kini sa laing basehan sa maong isyu.
