Gihatagan og gibug-aton sa lay theologian nga si Wilson C. Amad ang panginahanglan nga magpahigayon og regular nga pagtudlo ang mga kapulisan sulod sa mga eskuwelahan aron masumpo ang mga insidente sa in-campus shooting sa nasud.
Sumala pa niya, pinaagi sa pagbisita sa mga pulis kaduha sa usa ka semana o matag bulan aron magtudlo bahin sa balaod ug mga silot sa krimen, masayran sa mga menor de edad ang mga angay buhaton.
Gipasabot usab niya nga kini nga pamaagi makatabang sa pagtukod og suod nga relasyon tali sa mga estudyante ug awtoridad aron mawala ang kahadlok sa mga bata.
Gihagit niya ang Department of Education nga tun-an ug i-implementar kini nga programa aron maseguro ang kaluwasan sa mga kabataan sa nagkalain-laing kampus.-
