CAGAYAN DE ORO CITY, Philippines – Mudawat pa ang Commission on Elections sa dugang ihap sa mga gusto mubotar sa nagkaduol nga 2025 Automated Elections.
Basi sa ulahing rekord, misaka pa sa 65,943,899 ang nagparehistro sa poll body sa bulan sa Hulyo.
Gibutyag ni Comelec Chairman George Garcia nga mudugang pa sila hangtud sa 5-milyon ka mga bag-ong botante alang sa Agosto ug Setyembre.
Nag-una sa gibansagang “vote-rich regions” ang CALABARZON nga dunay 833,812 mga bag-ong nagparehistro; gisundan kini sa National Capital Region nga adunay 669,372 ka mga botante.
