CAGAYAN DE ORO CITY, Philippines (UPDATE) – Gibulgar sa Philippine National Police (PNP) nga misaka pa ang ihap sa mga reklamante batok kang Kingdom of Jesus Christ (KOJC) Founder Pastor Apollo Quiboloy.
Si PNP Spokeswoman Police Colonel Jean Fajardo mibutyag nga kamulo na ang pag-interview ug profiling sa dugang mga biktima ni Pastor Quiboloy. Dili pa makahatag sa tukmang ihap ang PNP-Krame ug kung unsa ang mga reklamo nga ilang isaka sa korte.
Una niini, paningkamutan ni Senate Committee on Women, Children, Family Relations, and Gender Equality Chairman Senador Risa Hontiveros nga taralon sa senado si Quiboloy aron masayran ang rason sa iyang pagtagu-tagu sa balaod, ug kung tinood ba nga galikay kini sa pagtubag sa mga bug-at nga alegasyon sama sa sex trafficking, child abuse, ug daghan pang uban.
