Gisugdan na sa Department of Energy (DOE) ang imbestigasyon sa gatusan ka reklamo nga nadawat tungod sa sunod‑sunod nga “big‑time oil price hike”.
Matod ni DOE Secretary Sharon Garin, daghang reklamo ang nasulod sa Gas Stations Concerns Feature sa EGov PH pinaagi sa tabang sa Department of Information and Communications Technology.
Sa miaging semana pa lang, halos usa ka gatos ka concerns ang nadawat ug gisusi na sa DOE, ug sa pipila ka kaso mismo ang mga personahe sa DOE ug kapulisan ang mitunga sa mga istasyon aron magsiyasat.
Subay sa maong kalihokan, mas midaghan pa ang mga reklamo, kondiin ang kadaghanan tungod sa presyo sa lana nga giingong dili angay sa price range nga gipagawas sa gobyerno. (by Phillip Ariata)
