Gipahayag ni House Deputy Speaker Francisco Paolo Ortega V nga katungod gayud sa National Unity Party ang pagpahibalo sa mga reklamo niini ngadto sa liderato sa Kamara bahin sa dili patas nga paghatag og pondo sa mga proyekto sa mga kongresista.
Tubag kini sa opisyal subay sa gipagawas nga pahayag sa grupo bahin sa kakuwang sa suporta sa mga proyekto sa nagkalainlaing distrito.
Gipasabot usab sa sakop sa Kamara nga kabahin sa buluhaton sa mga representante ang paghisgot sa mga tinuod nga kabalaka sa grupo ug ang mga panginahanglan sa mga tawo sa matag dapit.
Dugang pa ni Ortega, importanteng madungog ang tingog sa matag partido aron mahatagan og dali nga solusyon ang mga problema sa pondo sa mga lungsod.
