CAGAYAN DE ORO CITY, Philippines – Gipaniguro sa Commission on Elections nga dili makahupot sa katungdanan sa gobyerno ang mga tikasan nga mga kandidato.
Pasidaan kini ni Comelec Commissioner Ernesto Maceda human napadala sa sentral office ang kopya sa reklamo sa gitoohang vote buying sa Balingasag Misamis Oriental.
Segun sa reklamante, tolo ka mga lokal nga kandidato ang nasapon nga mi-apod sa mga ayuda nga nakapilit ang ilang nawong.
Miingon si Maceda nga sa milabay’ng 2023 adunay gobernador nga wala nila palingkura human napamatud-an ang pagpamalit sa boto. Gawas sa maong munisipalidad, laing duha ka dagkung kaso sa vote buying ang gitutukan sa ahensya sa Luzon Area nga gilangkoban sa Apayao, ug Baguio City.
Namugos ang mga reklamante nga nakadawat silag tag 100 pesos ug membership ID gikan sa kandidato nga misaad nga muhatag sa salapi bugti sa ilang boto sa Mayo.
Ang ika-upat nga kaso nagsumikad sa Ponte Verda Negros Oriental batok sa pipila ka kandidato nga gi-akusaran nga nalambigit sa premature campaigning.
Si Comelec Commissioner Ernesto Maceda sa interview sa Bombo Radyo.
