CAGAYAN DE ORO CITY – Kasuhan sa kapolisan sa reckless imprudence resulting to homicide,physical injury ug damage to property ang delivery truck driver nga nakaligis-patay sa duha ka motorela drivers nga igo lang nagtindog sa paradahan sa Brgy Tupsan,Mambajao,Camiguin.
Kini ilabina nga nag-resulta sa kamatayon sa usa sa mga driver ang disgrasyang pagbangga ni Kris John Luza ngadto sa mga motorela diin naila ang biktima nga si Anthony Justo nga taga-Brgy Magting sa maong lungsod.
Matud ni Police Staff Sgt Aresteo Caralde,traffic investigator sa Mambajao Municipal Police Station nga basi sa pasiunang imbestigasyon nga nawad-an sa preno ang gimaneho nga trak hinungdan sa pagdasmag sa mga biktima.
Siya miingon nga samaron usab ang kauban ni Justo nga si Frederick Basera nga kasamtangang nagpaalim sa ospital tungod sa bun-og ug samad gumikan sa hitabo.
Detinado na ang truck driver nga taga-Brgy Pandan samtang gihulat ang tukmang paghandos sa mga kaso sa piskalya sa provincial prosecutor’s office sa isla.
