CAGAYAN DE ORO CITY – Gipangita sa kapolisan ang motorela driver nga suspek pagdunggab-patay sa kauban niini samtang sila nagkalalis diha sa JR Borja Extension ning syudad sa miaging gabii.
Giila ni Cogon Police Station commander Maj Julius Saluta ang biktima nga si Oliver Macaraeg,hingkod ang panuigon,minyo ug nagpuyo sa Purok 6,Brgy Gusa.
Gibutyag ni Saluta nga daan nang dunay bikil ang biktima ug wala una panganli nga suspek sa dihang subli sila nagka-initay ug nagka-ginukdanay sakay sa ilang mga rela.
Unang gibanggaan sa suspek ang biktima pag-abot sa Yacapin -Osmena Streets ayha dunggab hinungdan sa kamatayon niini.
