Good news!
Adunay madawat nga ayuda ang mga rela ug jeepney drivers sa Cagayan de Oro, gikan sa pondo sa CDO-LGU. Kini gikompirmar ni City Information Officer Jade Adeser sa BOMBO RADYO.
Gipadayag ni Adeser nga, hulaton pa nila ang sesyon sa konseho karong hapon aron mahibal-an kung pila ang aprobahan nga ayuda alang sa mga drivers nga nakabase sa syudad.
Wala pa siya makahatag sa eksaktong kantidad ug lista sa direct beneficiaries hangtod mahatagan og pinal nga desisyon ang konseho.
Gipasabot usab niini nga kinahanglan pa nga mahimong ordinansa ang maong sugyot, tungod kay kini mao ang labing hinanaling tubag sa kalisod nga giatubang sa mga drayber.
Hisayran nga ang hinungdan sa ilang suliran mao ang grabeng pagsaka sa presyo sa lana sukad sa unang semana sa Marso, samtang wala gihapon mopasaka sa pletihan bisan doble o tripli na ang gasto sa lana
