Giangkon ni NATO Secretary General Mark Rutte nga anaa na karon sa usa ka “period of profound change” ang relasyon tali sa Europe ug Amerika ubos sa administrasyong Trump.
Gibutyag sa maong lider nga dili na pwedeng magpabungol-bungol lang ang alyansa taliwala sa nagkausab nga prayoridad sa seguridad sa tibuok kalibutan.
Gipaniguro ni Rutte nga andam na ang Europe sa pagdawat sa mas dako ug mas makiangayon nga responsibilidad sa ilang depensa. Tumong niini nga mapatunhay ang “Transatlantic Alliance” pinaagi sa pagpakita og konkreto nga aksyon imbes nga magsalig lang sa kusog sa Estados Unidos.
Nagpabiling mabinantayon ang tibuok kalibutan sa maong pamahayag samtang naningkamot ang NATO chief nga mahilot ang nagkagrabe nga tensyon sulod sa maong organisasyon.
