Gibabagan sa abogado sa mga biktima sa “war on drugs” ang “release plea” ni kanhi President Rodrigo Roa Duterte. Kini maoy highlight sa ikaduhang adlaw sa sesyon sa “confirmation of charges” ni Duterte sa International Criminal Court (ICC).
Namahayag si Atty. Paolina Massidda, kinsa nagpa-ila nga representante sa linibong ihap sa mga biktima, nga ang anti-drug campaign sa milabay nga administrayon wala nagtumong aron masanta ang druga apan, usa kini ka porma sa pag-atake sa mga pubreng komonidad.
Gani, gipasabot pa ni Massida nga ang paggamit sa Shabu sa mga low-incom nga mga komonidad, usa ka klase sa “coping mechanism” sa mga residente tungod sa kawad-on sa gihatag nga mental health services sa gobyerno, kuyog ang kakulangon sa libre nga edukasyon ug trabaho.
Subli, gipamugos ni Atty Massidda nga ang extrajudicial killings sa panahon ni Duterte, dili lamang isolated cases apan kabahin sa usa ka systematiko ug lapad nga kampanya nga nagpunting sa mga pit-os nga mga biktima kundiin, ang operasyon managsama ang “pattern sa pag-target, ug walay hustong proseso. Siya miingon nga hustisya ang singgit sa mga pamilya nga naabusuhan sa kampanya ni Duterte
