CAGAYAN DE ORO CITY, Philippines – Napalihok na sa gobyerno sa Estadus Unidos ang ilang relief ug rehabilitation efforts aron mahatagan sa nag-unang panginahanglan ang kapin usa ka milyong mga survivors sa paglampurnas sa Hurricane Helene sa unom ka mga estado.
Sa pagkutlo ning balita misaka pa sa 232 ang kompirmadong patay ug labing daghan kanila narekober sa North Carolina ug Georgia.
Mitabang na ang mga NGO’s ug cause oriented groups sa pagdonar sa tubig ug pagkaon.
Giangkon sa grupo nga kini na ang pinakagrabe ang gibiling kadaut nga gibilin sa bagyong Helene sa Appalachian Region, kundiin, halos ghostown ang usa ka komonidad ug wala bay balay nga nagbarog.
