CAGAYAN DE ORO CITY-Giapelar karon sa multi-sectorial religious groups kang Pres Rodrigo Duterte nga ihunong na ang surgical airstrike operation sa Philippine Air Force punting sa lokasyon sa mga terorisang Maute sa Marawi City.
Gibutyag ni Voice of Truth President Atty Salic Dumarpa nga nabalaka sila nga madugangan pa ang ihap sa mga sibilyan nga mamatay tungod sa pagkaigo sa mga bomba nga ihulog sa mga lugar diin nagtago ang mga terorista.
Kini ang hinungdan nga ipadala nila ang pirmadong manifesto kang Pres Duterte aron hangyoon nga maundang ang airstrike batok mga terorista.
Una niini,nagtigom ang 22 ka grupo sa usa ka mall ning syudad aron maporma ang baruganan nga ilang ihangyo kang Duterte.
